Grazas á colaboración entre AMICO e ACEM Santiago, as persoas socias poden acceder a sesións de psicoloxía e/ou nutrición con profesionais especializados, en Santiago de Compostela.

Grazas a esta colaboración, as persoas socias de AMICO poden acceder a estes servizos aínda que non presenten as patoloxías que habitualmente son atendidas por ACEM, beneficiándose igualmente da súa experiencia profesional.

Lugar de atención: ACEM Santiago, Rúa de Queixume dos Pinos, 4. 15705 Santiago de Compostela (A Coruña)

Servizos e custos orientativos:

• Sesións de psicoloxía: 20 € por sesión
• Servizo de nutrición: 25 € ao mes

Como iniciar o proceso:

• Contactar directamente coa traballadora social de ACEM Santiago no teléfono 620 533 471, en horario de luns a venres pola mañá e os mércores pola tarde.
• Desde ACEM concertarán unha entrevista inicial para falar das necesidades de atención, das condicións do servizo e da forma de traballar das profesionais de psicoloxía ou nutrición.
• A partir desa valoración, e segundo a túa dispoñibilidade e a do centro, poderás decidir se finalmente inicias ou non o servizo.
  
  No caso de comezar, comunicarase a AMICO, e cada día que acudas deberás asinar unha folla de asistencia.

AMICO non accederá nin xestionará datos persoais ou sanitarios derivados desta relación, máis alá dos datos básicos que xa constan na nosa base de datos como persoa socia.

Animámoste a contactar con ACEM Santiago se este recurso é do teu interese. Para calquera dúbida adicional, estamos á túa disposición.