A asociación AMICO ben de ser informada por parte da Deputación de A Coruña da concesión de subvención que se dirixe a cofinanciar o programa SERVIZO DE REHABILITACIÓN X que esta entidade solicitou no seu día no marco da convocatoria de subvencións para mantemento de servizos sociais FOAXE-P/2020.

Este servizo que cumpre xa 10 anos supón a liña de actividade mais estable e continuista da organización.

No que levamos de ano están a participar de modo regular 27 persoas que reciben sesión de fisioterapia, 14 persoas sesión de terapia ocupacional e 14 persoas sesións grupais de ximnasia adaptada e exercizos terapéuticos.

A irrupción da pandemia fixo ter que suspender as actividades durante varias semanas, e inclusive foi preciso reformular o programa prescindindo dos clásicos grupos de ximnasia acuático terapéuticos que normalmente se levaban a cabo nas piscinas de Awasan.

Con todo o programa está a ser revisado de acorde aos protocolos de prevención e restricións que adoptan as autoridades sanitarias, provocando que tras finalizar o estado de alarma o nivel de participación segue a ser inferior que antes da pandemia.

Amico segue a ter vixente o programa durante este ano 2020 polo que as persoas interesadas en participar poden contactar coa asociación.