O próximo sábado 23 de abril estaremos a disposición das persoas que queiran achegarse ao noso stand na Casa da Cultura de Bertamiráns.

A Concelleira presentou co gallo do Día da Saúde , a programación do Mes da Saúde de Ames que conta cun conxunto de actividades organizadas pola entidade local e por asociacións.

Pecharase o sábado, 23 de abril, coa celebración simultánea da segunda edición da Feira da Saúde e Ben-Estar e da primeira xornada sobre saúde mental infanto-xuvenil de Ames, Coidados á mente.

Xunto con outras asociacións (ALCER, ANEDIA, ACEGA, AGADEA, ACEM, AECC, ASANOG, Fonte da Virxe, Alcohólicos Anónimos, QuerENDO, AMICO, AGAPA, CON-ARTITRIS E AEPNAA) montaremos o noso stand na zona exterior da Casa da Cultura de Bertamiráns co obxectivo de proporcionar información a todas aquelas persoas que se acheguen por alí.

O ano pasado participamos na I edicición da Feira e volvemos a presentarnos para favorecer a difusión da entidade e do programa e actividades que desenvolvemos.

Animámosvos a visitar e participar!

Consulta a programación oficial: https://www.concellodeames.gal/gl/novas/programacion-do-mes-de-saude-en-ames-inclue-charlas-actividades-fisicas-unha-xornada-sobre