Bolsas para sufragar medidas terapéuticas
Bolsas para sufragar medidas terapéuticas
O Concello de Santiago de Compostela convoca bolsas para sufragar gastos relacionados con medidas terapéuticas que apoien o desenvolvemento e o benestar persoal baixo dúas modalidades, compatibles entre si se se cumpren os requisitos de ambas:
| Modalidade A: tratamentos terapéutico | Modalidade B: enfermidade celíaca |
| Axudas para financiar tratamentos privados polas dificultades e/ou trastornos da aprendizaxe ou de adaptación ao contorno que non se reciban no servizo público ou que, recibíndoos, sexan insuficientes ou deban ser reforzados. Que cubre? Trastornos da aprendizaxe, da linguaxe, de conduta, estimulación temperá, altas capacidades intelectuais e terapia ocupacional. Contía: cubre o 90% do gasto total realizado, cun máximo de 1.200 euros ao ano. | Axudas para paliar o sobrecusto económico que supón manter unha dieta sen glute. Contía: un importe fixo de 1.200 euros ao ano por beneficiario. Exclusións: quedan fóra a sensibilidade ao trigo ou gluten non celíaca, a alerxia ao gluten ou ao trigo e outras patoloxías diferentes da enfermidade celíaca. |
Requisitos das persoas beneficiarias:
- Ser menor de idade
- Estar empadroado, ter residencia efectiva en Santiago de Compostela e permanecer de alta no Padrón Municipal mentras se perciba a axuda.
- Non superar a renta máxima familiar anual 5 veces o IPREM anual (12 pagas).
- Non recibir outra axuda pública polo mesmo concepto.
- Estar ao corrente das obrigas tributarias.
Requisitos específicos da modalidad A: acreditar, a través do informe dun profesional colexiado, a necesidade de tratamento periódico administrado nun centro especializado para algunha das patoloxías ou situacións mencionadas.
Requisitos específicos da modalidade B: ter diagnosticada a enfermidade celíaca na data de presentación da solicitude e acreditalo debidamente.
Prazo e forma de presentación:
- Prazo: 10 días hábiles (ata o 21 de xullo)
- Presentación: preferentemente por vía electrónica a través da sede electrónica do Concello de Santiago, no apartado de “Solicitude de subvencións” ou no Rexistro Electrónico Xeral da Administración Xeral do Estado. Tamén se pode presentar en soporte papel na Oficina de Asistencia en Materia de Rexistros do Concello, ou en calquera dos lugares previstos no artigo 16.4 da Lei 39/2015, do 1 de outubro, do procedemento administrativo común das Administracións Públicas
Xustificación e pagamento:
- Modalidade A (Terapias): Págase despois de realizar o tratamento. Debe xustificarse achegando as facturas dos tratamentos recibidos entre o 1 de xaneiro e o 15 de outubro de 2026. O prazo máximo para presentar as facturas remata o 15 de outubro de 2026.
- Modalidade B (Celaquía): É unha axuda de importe fixo. Non require presentar tickets nin facturas de compra. A xustificación dáse por cumprida automaticamente ao achegar o diagnóstico médico xunto coa solicitude. O pagamento realízase íntegro nun único acto tras a resolución.